نئی دہلی،17؍نومبر(آئی این ایس انڈیا) کانگریس کے سابق صدر راہل گاندھی نے بدھ کے روزکہاہے کہ حکومت کودوستوں کے لیے نو مور پراپرٹی کہنا چاہیے لیکن عوام کے لیے صحیح پالیسی بنائی جانی چاہیے۔انہوں نے عدالت کے ریمارکس سے متعلق خبروں کا حوالہ دیتے ہوئے ٹویٹ کیاہے کہ عوام کے لیے صحیح پالیسی بنائیں، دوستوں اور جائیداد کے لیے نہیں۔سپریم کورٹ نے منگل کے روزکمیونٹی کچن اسکیم کو لاگو کرنے کے لیے پالیسی کے بارے میں مرکز کے ردعمل پر شدید ناراضگی کا اظہار کیا اور اسے ریاستی حکومتوں کے ساتھ میٹنگ کرنے کے لیے تین ہفتوں کا وقت دیاہے۔
یہ مشاہدہ کرتے ہوئے کہ فلاحی حکومت کی اولین ذمہ داری خوراک فراہم کرنا ہے۔چیف جسٹس این وی رمنا، جسٹس اے ایس بوپنا اور جسٹس ہیما کوہلی کی بنچ نے پی آئی ایل پر مرکزی حکومت کے حلف نامہ پر شدید ناراضگی کا اظہار کیا، کیونکہ یہ انڈر سکریٹری رینک کے ایک افسر کی طرف سے دائر کیا گیا تھا اور اس میں مجوزہ منصوبہ اور اس پر عمل درآمد شامل تھا۔ شروع کرنے کے بارے میں معلومات دی گئیں۔